المشاركة الأصلية كتبت بواسطة pltpc9

أهلين دبدوب << ناوى شر
س1 - ما هو لونك المفضل ؟؟ !! ولا تقول الوان الطيف ؟
طيب ابشر ...ولوني المفضل الاخضر بالذات مع السلام الملكي


س2 - ما هى هوايتك الزينه ولا تجاوب نفس سؤال البارونه ؟ ولا تصير نفس هواية ولد خال ابوى صويلح ؟!
برضه أبشر ...راح اقول هواية مختلفه التطعيس حتى اصل لقمة طعس الهرم ولا النقا بالعاذرية وبجيب مكينته مرهمة


س3 - وش رايك بالشبة عند صلهامة والفلفل الاسود بالزنجيبل ؟!
عندنا بحايل مصطلح الشبة يعني انه فية شبة نار أو ضو وعليه ابريقات ودلال قهوة يجتمعون حولها رجال طيبين شرواك والان الناس يسمونها الدورية على ما اعتقد ....اما مصطلح صلهامة هههه فوالله ما اعرفه ولا هو من مصطلحات اهل حايل او الرياض والباقي طلاسم


س4 - وش رايك باللى يصير صريح فى مكان ما يحترم الصراحة ؟ !
يطبق المثل اللي يقول (ان طاعك الزمان ولا طيعه)


س5 - وش شعورك لو صارت لبنى العليان رئيسة هيئة سوق المال < راح وطى ؟! ولا تقول شعورى شعور اى مواطن سعودى يأكل خابور بالاسهم .
كان اروح لها في عرباسكو بجدة وهي نازلة من الجاكوار العشبي قبل ماتركب طيارتها واقول لها ...الا ليت الشباب يعود يوما ...(اسئلة من وين ذي)


لاحظت ان رقم عضويتك غير مميز فى المنتدى ( رقم العضوية : 13359 ) طيب لو كان رقمك 13333وش تسوى فيه يعنى تبى تبيعه او تسوى عليه مزاد وهل ستعترض على ادارة المنتدى لتغيير رقمك على فكره ترى رقمى اذا تبيه خذه تراه احسن من رقمك .
شكلي ابي اسميك صلهامة من اليوم انت واسئلتك...رقم مميز!!!....بصراحة عقدتنا يالسعوديين!!!


وقت الاجابة ساعتان وممنوع الاسئلة ؟
حليتها بخمسة دقايق لاني مذاكر يااستاذ selhama
وبالتوفيق /// مدرس المادة صلهامه

مشكوووووور اخوي pltpc9 بصراحة على روحك الخفيفة ونفسك المرحة
وفقك الله