إلى جميع أعضاء المنتدى !!!!
الحذر ثم الحذر من هذه العضوة وأنا اقول هذا الكلام من خلال تجربة شخصية معها

ليش وش سوت لك ............ياليت تعطينا بالتفصيل ماذا عملت معك....

ولها ايضا حق الرد.........لنعرف يمكن فيه سؤ تفاهم حصل بدلاً من ان نتخاصم خلونا اخوان يجمعنا هدف واحد وهو التعاون

ولانحقر بعض ولانشتم بعض ولا نظلم بعض ولانسىء الظن باحد .........

ارجو منك الالتزام بادبية الحوار والنقاش والتمهل في اصدار الاحكام على الاخرين بغير ادلة ولا براهين .

لذا نحن في هذا المنتدى نسعى ان نكون صداقات جديدة مع الاشخاص ونكسب ودهم واحترامهم

تحياتي. ورجاء اذا عندك شىء اعطينا اياه بالتفصيل ولها حق الرد.

السلام عليكم
غريبة ..... ليه وش سوت !!!؟؟؟؟؟

أنا حسب معرفتي بها لم أرى منها شيء وحتى كانت توصلني بالمباشرين
ولكن أنقطعت عنها من فتره .

هذي أمانه ولازم تذكر .

لكن يجب عليك أخ حمد أن توضح وتفصل ماحصل ولها حق الرد

وأشكر أخي سلفرمون (أبوعبدالعزيز) على الرأي السديد والحكيم

تحياتي للجميع / أبوحسن

ليش وش سوت لك

ما ادري وايش صاير بين حمد وبينها الرد لا زم يكون من نواره

السلام عليكم ورحمة الله وبركاته

بصراحة انا اول مرة اشارككم المنتدى الله يخارجنا !!

يمه وش سويت لك انا لا سرقتك ولا كذبت عليك ؟؟؟

انا مجرد مسوووقه بالنت لا أملك لا ناقه ولا جمل .. ابحث عن الرزق الحلال حالي حالكم ..

ودائما اوصل المباشرين مع بعض ... والله والله توني ادري فيه شخص على المسن الله يجزاه خير هو الي وصلني للرابط هذى الي تهجم فيه علي الاخ حمد ؟

حمد توني اشوف الرسائل الخاصه لك ؟؟ إحكمو لي ياجماعه


انا منزله عرض لي اسهم جبل عمر وقلت انا مباشره فعلا مع الوكيل المنفذ بس وينه الصادق الكل يقول انا ولا شفت منفذ مجرد وسطاء وسعاه احرجوني مع الوكيل يكذبون علي يقلون حنا وكلاء او مباشرين ولمى يتكلمو مع الرجال تخيلو وش يسو يفاوظونه على السعي ولا شاف اوراق ولا راحو للبنك هذى اولا ؟؟
وثانيا اخ حمد مرسل لي رساله وحاط رقم جواله يقول كلميني ؟ طيب انا وضعت الاعلان ونزلت جوالي واميلي ؟ لان لابد الانسان من الاشغال ببيت وأسره ليش ما دقيت اخ حمد ؟؟؟

على العموم الله يجزاك كل خير والله يجزى ابو حسن وابو عبدالعزيز على ردودهم والبدر بعد
وعساي اكون مظلومه ولا ظالمه يوووم أواجه ربي لا ينفع لا مااال ولا بنون ما ينفع الا العمل الصالح

بالتوووووفيق للجميع
إختكم بالله نواره

خخخخخخخخخخخخخخخخخخخخ

لا تخترع مجرد سوء تفاهم لا أكثر والله يرزق المسلمين

بس ضحكتني يوم تقول اول مشاركه على طول بوجهك

بالتوفيق اخوي

الحين ردت نواره......وسبق وان تكلمت مع الاخت وعرفت انها مجرد ساعية (وسيطه ) مثل كل اللي بالمنتدى تدور الرزق.

ولكن بسبب انشغالها لم ترد على الاخ حمد..........والمشكلة ليس في ذلك...

المشكلة يااخوان .....ان حمد ايضا مجرد وسيط.....

وانا افضل من الاخوان ان يوثقوا كلامهم بخطابات التزام من الاشخاص اصحاب الطلب....سواء للاخ حمد او للاخت نواره
والافضل بعقود باسمائهم الحقيقة لضمان حقوقهم وايضا لبيان مدى جدية الطرف الاخر......سواء مشتري ام بائع..

المهم وباختصار.........لاتزال المعلومة مفقودة ......لان نواره فتاة لاتقابل احد......وايضا الاخ حمد لم يقابل احد
وكلها مجرد اتصالات........مثل كلنا مانعمل ذلك...

انا اقترح اما ان نتطور في عملية الوساطة ............ويكون لنا مكتب خاص عن طريق الخطوط الاربعة ومحامي

والا نترك الشغلة ........(سرديحي مرديحي) يعني ياتصيب ياتخيب.

ولو يعرف احد مكتب محامي او زميل له محامي يكون افضل..............وعموماً اغلب المحاميين طماعين وليس كلهم..

والله يكون في عون الجميع.